Հայաստանի ԱԳ նախարար Արա Այուազեանը Հունուարի 13-ին հեռախօսազրոյց ունեցեր է Ռուսաստանի ԱԳ նախարար Սերգեյ Լավրովի հետ:

Ըստ «Արմենփրես»-ի՝ ՀՀ արտաքին գործերու նախարարութեան լրատւութեան եւ հանրային դիւանագիտութեան վարչութիւնը յայտներ է, որ Հունուարի 11-ին Մոսկուայի մէջ կայացած Ռուսաստանի, Հայաստանի եւ Ատրպէյճանի ղեկավարներու հանդիպման համատեքստին նախարարները քննարկեր են տարածաշրջանային անվտանգութեան եւ կայունութեան հարցեր: Նախարար Այուազեանը կարեւորեր է ռազմագերիներու եւ պահուող այլ անձերու վերադարձի վերաբերեալ 2020թ. Նոյեմբերի 9-ի եռակողմ յայտարարութեամբ ամրագրուած պարտաւորութեան լիարժէք եւ շուտափոյթ իրականացումը։

Հեռախօսազրոյցի ընթացքին անդրադարձեր է նաեւ հայ-ռուսական դաշնակցային հարաբերութիւններու օրակարգին։

Leave a Reply