Յայտնի երկրաբան, բարեգործ Գրիգոր Գաբրիելեանցը, «Շուշի քաղաքի թանգարաններ» ՊՈԱԿ-ի տնօրեն Լուսինէ Գասպարեանը եւ ԱՀ մշակոյթի նախարարութիւնն ակտիվ բանակցութիւններ կը վարեն ռուսական կողմի հետ թշնամիին յանձնուած Շուշի քաղաքի մէջ դեռեւս պահպանուած թանգարանային ցուցանմուշները փրկելու եւ տարհանելու շուրջ։

Այս մասին NEWS.am–ին յայտնեց «Շուշի  քաղաքի թանգարաններ» ՊՈԱԿ-ի տնօրեն Լուսինէ Գասպարեանը։  

Մինչեւ Սեպտեմբերեան պատերազմը Արցախի մշակութային կենտրոն համարուող Շուշիի մէջ գործեր է 4 պետական եւ 2 մասնաւոր թանգարան։ Ցաւօք, պատերազմի ժամանակ միայն գորգերու մասնաւոր թանգարանի ցուցանմուշները տարհանուեցան  քաղաքէն:

Ներկայ պահին թշնամիի վերահսկողութեան տակ անցեր են Շուշի քաղաքի պատմութեան եւ մշակոյթի 197 յուշարձան (158 միաւոր), Կերպարուեստի թանգարանի մոտ 800 գեղանկարներ, գրաֆիկական աշխատանքներ, քանդակներ, Շուշիի երկրաբանութեան թանգարանի 700–էն աւելի նմուշներ։ Նշենք, որ Երկրաբանութեան թանգարանի մէջ ներկայացուած էին ինչպէս Արցախի տարածքին մէջ յայտնաբերուած օգտակար հանածոներն, այնպէս ալ` երկրաբանական առումով հետաքրքրութիւն ներկայացնող համաշխարհային նմուշներ:

Այսօր ատրպէյճանական կողմը չի ցանկանար նոյնիսկ լսել Շուշիի մէջ մնացած հաւաքածուները վերադարձնելու մասին: