Ղազախստանի Ալմաթի քաղաքին մէջ Հունուարի 8-15-ը տեղի ունեցեր է Ժաուտիկովեան միջազգային 17-րդ օլիմպիադան, որը կը կազմակերպուի «Մաթեմատիկա», «Ֆիզիկա» եւ «Ինֆորմատիկա» առարկաներու գիծով:

Այս տարի օլիմպիադան անցկացուեր է առցանց, որուն Հայաստանը ներկայացուցեր են Ա. Շահինեանի անուան ֆիզիկամաթեմատիկական հատուկ դպրոցի երկու եւ «Քվանտ» վարժարանի մէկ խումբեր: Օլիմպիադային մասնակցեր են 20 երկրի 1005 դպրոցական:

Ինչպէս «Արմենփրես»-ին տեղեկացուցին ՀՀ կրթութեան, գիտութեան, մշակոյթի եւ սպորտի նախարարութեան հասարակայնութեան հետ կապերու եւ տեղեկատւութեան վարչութիւնէն, Հայաստանը ներկայացնող 21 մասնակիցներէն 10-ն արժանացեր են ոսկէ, 5-ը՝ արծաթէ եւ 2-ը՝ պրոնզէ մեդալներ: «Քվանտ» վարժարանի խումբն արժանացեր է 5 ոսկէ եւ 2 պրոնզէ մեդալներ՝ թիմային հաշուարկում գրաւելով առաջին տեղը: