Հայ-իրանական մշակութային կապերն ամրապնդելու, զարգացնելու նպատակով ՀՀ-ի մէջ Իրանի Իսլամական Հանրապետութեան դեսպանատունը 2021-ին  շարք մը ցուցահանդեսներ եւ այլ մշակութային միջոցառումներ կը կազմակերպէ: Գաղափարները կեանքի կոչելու համար դեսպանատունը կը համագործակցի Հայաստանի մշակութային կառոյցներու հետ:

«Արմենփրես»-ի թղթակիցի հետ զրոյցի ժամանակ Հայաստանի մէջ ԻԻՀ դեսպանութեան մշակութային կցորդ Սեյեդ Հոսեյն Թաբաթաբային ըսաւ, «Հայաստանի նկարիչներու միութեան հետ համագործակցութեան շրջանակին կը պատրաստուինք մեծ ցուցահանդէս կազմակերպել «Իրանը իմ աչքերով» խորագիրով: Ցուցահանդէսին հայ արուեստագետները մեր երկիրը կը պատկերեն իրենց ընկալմամբ: Յաղթողները կը մեկնին Իրան»:

Ան ընդգծեց, որ համաձայնութիւն եկած են նաեւ Արեւելագիտութեան ինստիտուտի հետ, առաջարկներով այցելեր է քանի մը թանգարան: Կը նախատեսուի ազգային հագուստին, ծեսերուն, երաժշտութեանը եւ մշակոյթի այլ ոլորտներուն վերաբերող միջոցառումներ իրականացնել: