Այսօր կը լրանայ Պոլիսի մէջ լոյս տեսած հայկական «Ակօս» թերթի գլխաւոր խմբագիր հայազգի Հրանտ Դինքի սպանութեան 14-րդ տարելիցը:

Դինքը լրագրող էր երկրի մը մէջ, որտեղ ազատամիտ լրագրողները կը հետապնդուէին ու կը հալածուէն: Եւ որպէս խաղաղութեան մարտիկ` ան հալածուած էր ազգայնականներու կողմէ:

Դինքը ծնած է 1954 թուականին Արեւմտեան Հայաստանի Մալաթիա քաղաքին մէջ, 1961 թ. ընտանիքի հետ տեղափոխուեր էր Կ․Պոլիս: Մեծցեր է Գեդիքփաշայի հայկական որբանոցին մէջ, որու ճամբարի՝ «Քամփ Արմենի» ղեկավարումը տարիներ ետք պիտի ստանձնէր կնոջ Ռաքել Դինքի հետ միասին:

Թուրքիայի քրեական օրենսգրքի 301-րդ հոդուածով դատապարտուեր է կէս տարուայ ազատազրկման:

Դինքը հետապնդումներու  ենթարկուեր է հատկապէս իսլամացուած եւ ծպտեալ հայերու մասին հրապարակումներու պատճառով: Հատկապէս աղմկահարոյց էր Աթաթուրքի հոգեզաւակ, Թուրքիայի առաջին կին օդաչու Սաբիհա Գիոքչէի հայկական ծագման մասին բացայայտումը:

Դինքի սպանութիւնը բողոքի մեծ ալիք առաջացուց Թուրքիայի եւ արտերկրի մէջ։ «Ես հայ եմ, ես Հրանտ Դինք եմ» կարգախօսով հազարաւոր մարդիկ դուրս եկան փողոց՝ ի պաշտպանութիւն Դինքի։

2007 թուականին ստեղծուեր է Հրանտ Դինքի անուան միջազգային հիմնադրամ։ Հիմնադրամը ամեն տարի Սեպտեմբերի 15-ին՝ Դինքի ծննդեան օրը, կը կազմակերպէ միջազգային մրցանակաբաշխութիւն։

Դինքի անունով Ֆրանսիայի Մարսել քաղաքի մէջ կոչուեր է փողոց, իսկ Փարիզի մէջ՝ դպրոց։