Հայաստանի մարդու իրավունքներու պաշտպան Արման Թաթոեանը կարծիք  յայտներ է, որ ՀՀ պետական իրավասու մարմինը պէտք է հրապարակէ հայկական կողմի գերիներու թիւը: Ձեզի կը ներկայացնենք «Արմենփրես»-ի փոխանցմամբ՝ Հայաստանի մարդու իրավունքներու պաշտպանի տարածած յայտարարութիւնէն  հատուած մը.

«Ատրպէյճանի մէջ պահուող հայկական կողմի գերիներու վերաբերեալ թուական տուեալներ չի հրապարակելը ՀՀ կառավարութիւնը երեկուայ պաշտօնական արձագանքով պատճառաբաներ է ընդամենը նշելով այն մասին, որ հարցն ունի «գերզգայուն բնոյթ»: 

Իրականութեան, Ատրպէյջանի մէջ պահուող հայկական կողմի գերիներու թիւի հրապարակմամբ առնուազն՝ 

1) հնարաւորութիւն կառաջանայ զգալիօրէն մեծացնել միջազգային ճնշումն Ատրպէյճանի նկատմամբ գերիներու ազատ արձակման ու վերադարձի հարցով, 

2) առաջ կուգան Ատրպէյճանի նկատմամբ լրացուցիչ պարտաւորութիւններ դնելու հիմքեր,

3) կը բարձրանայ Ատրպէյճանի մէջ պահուող գերիներու պաշտպանութեան աստիճանը, 

4) հրապարակայնօրէն կընդգծուի պետութեան յարգանքը գերիներու ու անոնց ընտանիքներու իրավունքներու նկատմամբ, 

5) հրապարակայնօրէն կընդգծուի պետութեան պատասխանատու վերաբերմունքը հանրային կարեւորութեան այս հարցի նկատմամբ, 

6) կը բացառուի կամ էականօրէն կը նուազի հանրութեանը կեղծ տեղեկութիւններով մոլորեցնելու ու շահարկում իրականացնելու որեւէ կողմի փորձ:

Հետեւաբար, ՀՀ պետական իրավասու մարմինը պէտք է հրապարակէ հայկական կողմի գերիներու այն թիւը, որոնք իր տրամադրութեան ներքոյ առկայ տուեալներու համաձայն կամ իր համոզմամբ՝ ներկայիս կը պահուին Ատրպէյճանի գերութեան մէջ»: