Թուրքիայի գլխաւոր ընդդիմադիր ուժ համարուող «Ժողովրդահանրապետական» կուսակցութեան անդամ, Պոլսի քաղաքապետ Էքրեմ Իմամօղլուն պոլսահայ նշանաւոր գործիչ, «Ակօս» թերթի հիմնադիր-խմբագրապետ Հրանտ Դինքի սպանութեան 14-րդ տարելիցի կապակցութեամբ գրառում կատարեր է Twitter-ի մէջ:

Ընդդիմադիր գործիչը ոգեկոչեր է Հրանտ Դինքի յիշատակը։

Իմամօղլուն յայտներ է, որ Թուզլայի հայկական որբանոցը, որտեղ անցեր է Դինքի մանկութիւնը, կը վերածուի «Քամփ Արմեն» ճամբարի երիտասարդական կենտրոնի։ Ան նշած է, որ այդ որոշումը միաձայն ընդունուած  է քաղաքի աւագանի նիստի ժամանակ։ 

Իմամօղլուի տեղեկացմամբ՝ այժմ սկսած են ճամբարի վերականգնման ճարտարապետական նախագիծի աշխատանքները։

«Քամփ Արմեն» հայկական ճամբարը Ստամպուլի Թուզլա շրջանին մէջ գտնուող լքուած ու կիսաքանդ  շինութիւն մըն է: 8.552 քմ տարածք զբաղեցնող «Քամփ Արմենը» 1961-ին գներ է Հայ բողոքական եկեղեցիի հիմնադրամը եւ ծառայեր է որպէս ամառային ճամբար` հայկական դպրոցի չքաւոր ու որբ սաներու համար: Այնտեղ մեծցած են Հրանտ Դինքը եւ անոր կինը՝ Ռաքել Դինքը: Հետագային ճամբարը թուրքական իշխանութիւններու կողմէ ապօրինաբար խլած են  հայ համայնքէն: