Մարտական գործողութիւններու վայրերուն մէջ Հունուարի 21-ին վերսկսեր են որոնողական աշխատանքներ: Ինչպէս կը յայտնէ «Արմենփրես»-ը, Արցախի Արտակարգ իրավիճակներու պետական ծառայութեան տեղեկատւութեան եւ հասարակայնութեան հետ կապերու բաժինի պետ Հունան Թադեւոսեանը նշեր է,

«Երեկուայ դադարէն ետք այսօր որոնողական աշխատանքները վերսկսեր են Հադրութի, Դրախտիկի  եւ Ջրականի (Ջապրայիլ) ուղութիւններով: Ընդհանուր առմամբ՝ առ այսօր որոնողական աշխատանքներու արդիւնքին յայտնաբերուեր են 1247 զոհուած զինծառայողի եւ քաղաքացիական անձերու աճիւններ»,- յայտնեց Թադեւոսեանը՝ հաւելելով, որ որոնողական աշխատանքներն կիրականացուին անյայտ կորած զինծառայողներու ծնողներու մասնակցութեամբ: