Հայաստանը մեծապես կը կարեւորէ, որ Եւրոպական խորհրդարանը դատապարտեր է Թուրքիայի կողմէ Սուրիայէն եւ այլ վայրերէ Արցախ հակամարտութեան գոտի օտարերկրեայ զինեալ ահաբեկիչներ տեղափոխելու փաստը: 

ՀՀ ԱԳՆ մամուլի խօսնակ Աննա Նաղդալեանը ընդգծեր է Եւրոպական խորհրդարանի դիրքորոշումը հումանիտար հարցերու, մասնաւորապէս՝ գերիներու անհապաղ հայրենադարձման առնչութեամբ։ 

Մասնաւորապէս ԱԳՆ խօսնակը ընդգծեր է․

«Հունուարի 20-ին Եւրոպական խորհրդարանի կողմէ ընդունուած զեկոյց-բանաձեւերուն ամրագրուած են բազմաթիւ կարեւոր դրոյթներ, որոնք կը վերաբերին Արցախի դէմ ատրպէյճանական ագրեսիային եւ Թուրքիայի ներգրաուածութեանը, իրականացուած պատերազմական հանցագործութիւններուն, ագրեսիայի հետեւանքների վերացման ուղղութեամբ ձեռնարկուելիք քայլերուն, հատկապէս՝ հումանիտար հարցերու շուրջ: 

Մենք կարեւորած ենք միջազգային հանրութեան ջանքերը՝ ի դէմս նման բանաձեւերու՝ նպաստելու պատերազմի պատճառներու եւ հետեւանքներու վերացմանը, որը, ըստ բանաձեւի, կենթադրէ նաեւ «ԵԱՀԿ Մինսքի խումբի համանախագահութեան շրջանակներուն Արցախի հիմնախնդրի տեւական լուծումը եւ Արցախի ապագայ իրավական կարգավիճակի որոշումը համանախագահներու կողմէ առաջարկուած հիմնարար սկզբունքներու հիման վրայ»: