ԱՄՆ պետքարտուղարի թեկնածու Էնթոնի Բլինկենը յայտներ է, որ Արցախի մէջ վերջին հակամարտութեան լոյսի ներքոյ, Պայտեն-Հարիսի վարչակազմը կը վերանայի ԱՄՆ անվտանգային աջակցութիւնն Ատրպէյճանին: «Արմենփրես»-ի հաղորդմամբ՝ ինչպէս կը տեղեկացնէ ANCA-ն, Բլինկենն այս մասին ըսեր է՝ գրաւոր պատասխանելով Սենատի արտաքին հարաբերութիւններու հանձնաժողովի նախագահ Ռոբերտ Մենենդեսի հարցերուն:

«Ես խորաէսս մտահոգուած եմ անցած աշնանը Հայաստանի եւ Ատրպէյճանի միջեւ վերսկսած ռազմական գործողութիւններով եւ Արցախի  ու հարակից տարածքներուն մէջ մարդասիրական ճգնաժամով»,-ըսեր է Բլինկենը:

Անոր խօսքով՝ այդ պաշտօնին հաստատուելու պարագային ինքը նաեւ կաշխատի Կոնգրեսի, ինչպէս նաեւ ԱՄՆ ՄԶԳ-ի, միջազգային կազմակերպութիւններու հետ, ինչպիսին են ՄԱԿ-ը,  դաշնակիցները, գործընկերները` տարածաշրջանի մէջ մարդասիրական կարիքները հոգալու համար:

Մենենդեսը հետաքրքրուեր է, թէ ինչպէս կարող է ԱՄՆ-ն օգնել Հայաստանին եւ էթնիկ հայերուն՝ Հարաւային Կովկասի մէջ պաշտպանուիլ Ատրպէյճանի եւ Թուրքիայի ագրեսիայէն:

«Ես կաջակցիմ Հայաստանին անվտանգութեան, կայունութեան եւ ժողովրդավարական կառավարման ամրապնդմանը, տնտեսական աճի խթանմանն ուղղուած օգնութեան տրամադրմանը: Արցախի մէջ վերջերս ռազմական գործողութիւններու բռնկման լոյսի ներքոյ, մեր վարչակազմը կը վերանայի Ատրպէյճանին մեր անվտանգային աջակցութիւնը: Հաստատման պարագային ես անհամբեր կսպասեմ Կոնգրեսի եւ Պաշտպանութեան նախարարի հետ համատեղ ՝ Հայաստանի եւ տարածաշրջանի անվտանգութեան կարիքները բավարարելու համար համապատասխան օգնութեան մակարդակի որոշմանը»: