ՀՀ էկոնոմիկայի նախարար Վահան Քերոբեանի գլխաւորած պատուիրակութիւնը Հունուարի 23-ին ժամաներ է ԻԻՀ։

Իրանի մէջ ՀՀ էկոնոմիկայի նախարարն հանդիպումներ ունեցեր է Իրանի արդիւնաբերութեան, հանքերու եւ առեւտուրի նախարար Ալիռեզա Ռազմհոսեյնիի եւ ԻԻՀ Կենտրոնական բանկի նախագահ Աբդոլնասեր Հեմմաթիի հետ: Այս մասին կը տեղեկացնէ նախարարութեան ֆեյսբուքեան էջը։

ՀՀ էկոնոմիկայի եւ ԻԻՀ արդիւնաբերութեան, հանքերու եւ առեւտուրի նախարարներու միջեւ հանդիպման արդիւնքին ստորագրուեր է յուշագիր:

Քննարկումներու ընթացքին անդրադարձեր են երկկողմ տնտեսական հարաբերութիւններուն վերաբերող բազմաթիւ խնդիրներու, ինչպէս նաեւ առանձին ծրագրային առաջարկութիւններու։