Արցախի Ասկերանի շրջանի Հովսեփավան համայնքին մէջ կը մեկնարկուի արագ կառուցուող առանձնատուներու բնակարանաշինական փորձնական ծրագիր: «Արմենփրես»-ի փոխանցմամբ, Արցախի քաղաքաշինութեան նախարար Արամ Սարգսեանը տեղեկացեր է․

«Առաջին փուլով նախատեսուած է թեթեւ կոնստրուկցիաներով 5 փայտէ առանձնատուն կառուցել:  Ֆիննական կացարաններու կատարելագործուած՝ արցախեան տարբերակով առանձնատուները կունենան 80 քառակուսի մետր բնակտարածք՝ 2 ննջասենեակով, հիւրասենեակով, խոհանոցով ու ներքին  սանհանգոյցով: Բացի այդ, նախատեսուած է 1000 քառակուսի մետրի չափով տնամերձ տարածք: Քաղաքաշինութեան նախարարութիւնն առաջին փուլին փայտեայ շինանիւթով կառուցուող տուները  պատուիրած է տարբեր մոտելներով: Մոտ երեք տարուայ ընթացքին նախատեսուած է կառուցել աւելի քան 7000 այդպիսի առանձնատուն»,-մանրամասնեց քաղաքաշինութեան նախարարը: Անոր խօսքով, առայսօր պատերազմի հետեւանքով վնասուած տուներու վերաբերեալ քաղաքաշինութեան նախարարութեան մէջ գրանցուեր է 4300 դիմում: