Արցախի գրեթէ բոլոր բնակավայրերուն մէջ արդեն կանոնաւոր կը գործեն հանրակրթական դպրոցական հաստատութիւնները:

Այս մասին «Արմենփրես»-ի հետ զրոյցի ժամանակ տեղեկացուց Արցախի կրթութեան, գիտութեան, մշակոյթի եւ սպորտի փոխնախարար Միքայել Համբարձումեանը:

«Պատերազմական գործողութիւններու հետեւանքով կորսնցուցած ենք 107 դպրոց, որտեղ կաշխատէին 1764 ուսուցիչ, կան՝ 8155 աշակերտ: Արցախի տարածքին մէջ գտնուող  բնակավայրերուն մէջ այժմ առկայ է 110 դպրոց: Սահմանային ըլլալու պատճառով՝ չեն գործեր միայն Մարտունիի Թաղավարդ, Կալեր համայնքներու եւ Ասկերանի Սզնեք գիւղի կրթօջախները: 

Շուշիի շրջանի՝ Արցախի վերահսկողութեան տակ գտնուող բնակավայրերէն, դպրոցներ կը գործեն Հին շենի եւ  Եղցահողի մէջ, իսկ Մեծ շենի  կրթօջախն  առայժմ չի գործեր՝ աշակերտ չունենալու պատճառով: Լիսագորի մէջ այժմ 2 աշակերտ կայ եւ ըստ դպրոցի տնօրենի՝ առաջիկային դպրոցականներու թիւն կաճի: Քաշաթաղի շրջանին մէջ կը գործէ միայն Աղավնոյի դպրոցը, որտեղ ժամանակաւորապէս  կարող են հաճախել նաեւ Ներքին Սուսի  փոքրաթիւ աշակերտները: Որքանով տեղեակ եմ Բերձորի մէջ նոյնպէս դպրոցական երեխաներ  կան: Անոնք առայժմ  ինքնաշաժներով կը հաճախեն Աղավնոյի դպրոց, մինչեւ որոշուի Բերձորի կարգավիճակի հարցը»,-մանրամասնեց փոխնախարարը: