Եւրախորհրդարանի առաջարկը Արցախի անկախութեան հետ կապուած.

Արեւմտեան Հայաստանի նախագահ Արմենակ Աբրահամեանը սեմինարի 7-րդ օրը ներկայացուց Եւրախորհրդարանի մոտեցումները եւ առաջարկները, որոնք կը վերաբերուին  հայերուն։

Նախագահ Աբրահամեանը յիշեցուց Եւրախորհրդարանի  ընդունած ցեղասպանութեան մասին որոշումը, որտեղ հստակ նշուած է, որ թէ եւ ԵԽ-ն կընդունէ 1915-1917 թուականներուն հայերու դէմ կատարուած ցեղասպանութիւնը, այնուհանդերձ հայերը իրավունք չունին որեւէ պահանջ ներկայացնելու Թուրքիոյ դէմ։

Վերլուծելով Եւրախորհրդարանի կողմէ ընդունուած այս որոշումը՝ նախագահը դիմեց ԱՀՀ պատգամաւորներուն, կառավարութեանը եւ աշխարհասփիւռ հայութեանը՝ չընդունիլ այս կէտը եւ դիմումներ ներկայացնել բոլոր երկիրներու, ինչպէս նաեւ եւրոխորհրդարանի պատգամաւորներուն, որպէսզի վերանայուի այս նախագիծը։  Ինչպէս նաեւ նշեց, որ այդ կէտի մէջ պէտք է ընդգրկել Արցախի՝ դեռեւս 1920 թուականին Ազգերու լիգայի որորշումով հաստատուած՝ Հայաստանի մաս կազմելու հանգամանքը։

Անդրադառնալով Արցախի նախագահի՝ Արցախն անկախացնելու քաղաքականութեանը, յիշեցուց, որ դեռեւս 1920 թուականէն Արցախը պատմական Հայաստանի մաս կը կազմէ եւ կարիք չունի անկախանալու, եւ ընդհանրապէս հիմայ տարուող քաղաքականութիւնը մեծամասամբ այնքան ալ ճիշտ չէ, քանի որ պէտք է գնալ միասնականութեան, այլ ոչ թէ անջատողականութեան գաղափարով՝ հիմքը ունենալով Արեւմտեան Հայաստանը։

Սեմինարի ժամանակ քննարկուող  ռազմավարական մշակումներէն մէկի մէջ կըսուի․ «պէտք է աշխատանք տանել հայկական պետութեան ամբողջականութեան պահպանման համար», իսկ վարչապետ Սեդա Մելիքեանն ընգծեց խորհրդարանի պատգամաւորներու դերը այս կարեւոր գործին՝ առաջարկելով պատրաստուիլ  Եւրախորհրդարանի պատգամաւորներուն նոր նամակներ ուղարկելուն, ինչպէս նաեւ մշակել օրենքներ եւ նախագիծեր որոնք կը բխին բացառապէս Արեւմտեան Հայաստանի շահերէն։