Թուրքիայի մէջ անյայտ անձեր հերթական անգամ ռասիստական գրութիւններ կատարած են ալեւիներու տուներու պատերուն: Այս անգամ դէպքը պատահեր է երկրի հիւսիսարեւմտեան Յալովա քաղաքին մէջ: Յալովայի Բաղլարբաշ թաղամասի՝ ալեւիներուն պատկանող 5 տուներու պատերուն անյայտ անձեր գրած են «X» նշանն ու «Alevi» գրութիւնը:

Գրութիւնը յայտնաբերած ալեւի բնակիչները դիմեր են ոստիկանութիւն: Ոստիկանութիւնը դէպքի կապակցութեամբ սկսեր է հետաքննութիւն: Այդ գրութիւններու լուսանկարները տարածուեր են սոցիալական ցանցերուն: