Այսօր՝ Հունուարի 28-ին, Հայաստանի Հանրապետութիւնը կը նշէ Բանակի օրը, ՀՀ ԶՈւ 29-րդ տարեդարձը։ 1992թ. այս օրն ընդունուեցաւ ՀՀ պաշտպանութեան նախարարութեան մասին հրամանագիրը, ՀՀ տօնացոյցին մէջ Հունուարի 28-ը ներառուեցաւ 2001 թուականի Հունուարի 6-ին։ Հունուարի 28-ը ոչ աշխատանքային սահմանուեցաւ 2002-էն։

2020 թուականի պատերազմի ընթացքին, մեր բանակը իր վրայ կրեց թշնամիի ծանր հարուածը ,անոր բազմաթիւ նուիրեալներ իրենց արեամբ սրբագործեցին հայրենի հողը։

Անոնց սուրբ յիշատակի առաջ մենք բոլորս հսկայական պարտք ու անսպառ կատարելիք ունինք՝ կայացնելու հայոց նոր, արդիական եւ հզոր, կրթուած ու շարժունակ բանակ, որը դասեր գաղելով անցած պատերազմի փորձէն, կը կարողանայ նոր պայմաններով ապահովել մեր երկրի անվտանգութիւնը եւ իր կամքը կը պարտադրէ թշնամիին։ 

Արեւմտեան Հայաստանը երախտապարտ է մեր բանակի բոլոր նուիրեալներուն՝ զինւորներուն, սպաներուն, անոնց միացած բազմաթիւ կամաւորներուն։ Հանգստութիւն եւ հաւերժ յիշատակ մեր բոլոր նահատակներուն, համբերութիւն եւ մխիթարութիւն՝ անոնց ընտանիքներուն։  

Հայկական բանակը այս բարդ տարածաշրջանին մեր խաղաղութեան եւ անվտանգութեան միակ երաշխաւորն է։

Շնորհաւոր տօնդ, Հայկական բանակ։