2020 թուականին միջազգային զբոսաշրջային շրջագայութիւններու թիւը կրճատուեր է 1 միլիարդով կամ 74 տոկոսով, տարին վատթարագոյն էր զբոսաշրջութեան համար, այս մասին յայտարարեր է ՄԱԿ-ի զբոսաշրջութեան համաշխարհային կազմակերպութիւնը։

Կառոյցի հաշուարկներով համաճարակի պատճառով ստեղծուած իրավիճակի հետեւանքով ոլորտի եկամուտները կրճատուած են 1,3 միլիարդ դոլարով, ինչը 11 անգամ կը գերազանցէ 2009 թուականի տնտեսական ճգնաժամի հետեւանքով կորուստները։ Կազմակերպութիւնը կը նշէ, որ համաճարակը հարուածեր է զբոսաշրջութեան մէջ 100-120 միլիոն աշխատատեղի, որոնց մեծամասնութիւնը մանր եւ միջին բիզնես են։

ՄԱԿ-ի Զբոսաշրջութեան համաշխարհային կազմակերպութեան համաձայն՝ համաճարակէն ամենաշատը՝ 84 տոկոսով տուժեր է Ասիա-խաղաղօվկիանոսեան տարածաշրջանի զբոսաշրջութիւնը։ Մերձաւոր արեւելքի եւ Աֆրիկայի մէջ՝ 74 տոկոսով, Եւրոպայի մէջ՝ 70 տոկոսով, Հարաւային եւ Հիւսիսային Ամերիկաներու մէջ օտարերկրեայ զբոսաշրջիկներու այցերու թիւը կրճատուեր է 69 տոկոսով: