Թուրքիայի նախագահ Ռեջեփ Թայիփ Էրդողանը Դելեգրամի իր էջին տեղադրեր է Արեւմտեան Հայաստանի Կարսի հայկական Առաքելոց եկեղեցիի նկարը Կարսի բերդի ֆոնին եւ գրառում կատարած է։

Էրդողանը հայկական եկեղեցիի լուսանկարին կից  իսլամի  նամազի գլխաւոր օր համարուող ուրբաթ օրուայ նուիրուած գրառում  կատարեր է։

Պոլիսի Սբ․Սոֆիայի տաճարը եւ Խորայի Սուրբ Փրկիչ եկեղեցին թանգարանէն մզկիթ վերածելով,Էրդողանը այժմ  Կարսի խորհրդանիշ Առաքելոց եկեղեցին կը նեկայացնէ որպէս մզկիթ։

Զարմանալի չէ․պատմամշակութային կառոյցները թուրքական ներկայացնելով, անոնց նշանակութիւնը վերափոխելով,անուանումները օտարացնելով ՝ թուրքական պետութիւնը կը ցանկանայ ջնջել նաեւ պատմութիւնը։

Յիշեցնենք սակայն, որ Կարսի Առաքելոց եկեղեցին կառուցուեր է 10–րդ դարին  եւ մինչեւ 1920 թուականի Հոկտեմբերի 30–ը եղեր է գործող եկեղեցի։ Կարսը զաւթուելէ ետք թուրքերն այն նաւթի պահեստի, զինապահեստի վերածեր են, այնուհետ լքուած է բախտի քմահաճոյքին, իսկ արդեն 2000–ականներուն վերածուեր է մզկիթի եւ վերանորոգուեր է։ Եկեղեցիի պատերուն առկայ են Առաքեալներու հարթաքանդակներն ու խաչերը։