ՄԱԿ-ի մարդու իրավունքներու հարցերով փորձագետները կոչ կընեն անհապաղ ազատ արձակել Արցախի հակամարտութեան վերջին փուլի ռազմագերիներուն եւ միւս գերիներուն, ինչպէս նաեւ ընտանիքներուն հանձնել մահացած անձերու աճիւնները: 

Այս մասին կը յայտնէ ՄԱԿ-ի մարդու իրավունքներու գերագոյն հանձնակատարի գրասենեակը:

Անոնք ընդգծեր են, որ ահազանգեր ստացեր են այն մասին, թէ ռազմագերիներն ու միւս գերիներն առանց որեւէ դատական գործընթացի կսպանուին, կանհետանան, կենթարկուին բռնութիւններու ու դաժան վերաբերմունքի:

«Ոչ մէկ բացառիկ հանգամանք՝ ըլլայ պատերազմական վիճակ, ներքին քաղաքական անկայունութիւն կամ այլ արտակարգ դրութիւն, չի կրնար արդարացնել խոշտանգումներն ու բռնի անհետացումները: Նման օրինակ գործողութիւնները եւս ռազմական հակամարտութեան ժամանակ կարող են համարուիլ պատերազմական հանցագործութիւն»,- ընդգծեր են մարդու իրավունքնեու  հարցերով փորձագետները: