Արցախի Հանրապետութեան անվտանգութեան խորհուրդի քարտուղար Վիտալի Պալասանեանը յայտարարութիւն  տարածեր է:

Յայտարարութեան մէջ մասնաւորապէս կ՛ըսուի.

«Խօսակցութիւններ կայ այն մասին, թէ իբր Ստեփանակերտ քաղաքի Վերածնունդի հրապարակին` պետական շենքերուն կը տեղադրուի ատրպէյճանական դրոշ, հարկ կը համարեմ կտրուկ հերքել այդ լուրերը: Որոշ լրատուամիջոցներ եւ սոցիալական ցանցեր լուրեր կը տարածեն, թէ Արցախի պաշտպանութեան բանակը կը կազմալուծուի  եւ ըստ այդ լուրերու տրամաբանութեան Արցախի սահմաններու պաշտպանութեան կազմակերպում չըլլար: Այս կապակցութեամբ կը ցանկանամ տեղեկացնել, որ Արցախի պետական մարմինները ներկայ պահին կզբաղուին պայմանագիրային հիմունքներով պրոֆեսիոնալ ստորաբաժանումներ կազմակերպելու հարցով` մեր սահմաններու պաշտպանութեան նպատակով:

Հասարակութեան որոշ շրջանակներու մէջ մտավախութիւն կայ, որ Արցախի որոշ շրջաններ  կը բնակուին ատրպէյճանական ընտանիքներով: Խօսակցութիւններ  կը տարածուի նաեւ այն մասին, թէ մասնաւորապէս  Ստեփանակերտի առեւտրային կէտերու մէջ ատրպէյճանցիները գնումներ կը կատարեն: Կը հաւաստիացնեմ, որ նման խօսակցութիւնները զուրկ են որեւէ հիմքէ:

Սիրելի΄ արցախցիներ, Արցախի իշխանութիւններու անունով կը հաւաստիացնեմ ձեզ, որ չնայած պատերազմական գործողութիւններու հետեւանքով մեզ հասցուած անդառնալի կորուստներու պետութիւնը մշտապէս հանձնառու է կատարելու բնակչութեան անվտանգութեան եւ բնականոն կենսագործունէութեան ապահովման իր պարտականութիւնները, ըստ այդ կոչ կ՛ընեմ տուրք չի տալ կեղծ լուրերուն։

Արցախցիի արժանապատիւ կեանքի համար անհրաժեշտ պայմաններ ստեղծելու եւ ընդլայնելու ուղղութեամբ ամեն ինչ կը կատարուի»: