Ռուսական խաղաղապահ ուժերը կը շարունակեն ապահովել պատերազմի պատճառով իրենց տուները լքած արցախցիներու վերադարձն իրենց բնակավայրեր: «Արմենփրես»-ի փոխանցմամբ՝ այս մասին կը յայտնէ ՌԴ պաշտպանութեան նախարարութիւնը:
«2020թ. Նոյեմբերի 14-էն մինչեւ այսօր, ընդհանուր առմամբ, Արցախ վերադարձեր է 52 հազար 231 մարդ»,- նշուած է ՌԴ ՊՆ հաղորդագրութեան մէջ:
Ռուսաստանի Դաշնութեան նախագահի 2020 թուականի Նոյեմբերի 10-ի հրամանագիրով Արցախի մէջ տեղակայուեր է ռուս խաղաղապահներու զօրակազմը: Զօրակազմի հիմքը կը կազմէ Կենտրոնական ռազմական օկրուգի 15-րդ առանձին մոտոհրաձգային բրիգադը։ Խաղաղապահներու հրամանատարն է գեներալ-լեյտենանտ Ռուստամ Մուրատովը։