Հայաստանի մէջ 2020-ին, չնայած համավարակին եւ պատերազմին, բարձր տեխնոլոգիական արդիւնաբերութեան ընկերութիւններու շրջանառութիւնն աճեր է 20.6 տոկոսով: «Արմենփրես»-ի հաղորդմամբ՝ այս մասին ըսաւ ՀՀ բարձր տեխնոլոգիական արդիւնաբերութեան նախարար Հակոբ Արշակեանը՝ ամփոփելով 2020-ի ցուցանիշները:

Նախարարը նախ յիշեցուց, որ կորոնավիրուսը եւ պատերազմը նախորդ տարի որոշակիօրէն  խոչընդոտեր են ծրագիրներու իրականացմանը: «Սակայն 2020-ին Հայաստանի մէջ բարձր տեխնոլոգիական ոլորտն աճեր է երկնիշ ցուցանիշներով: Ընկերութիւններու շրջանառութիւնն աճեր է 20.6 տոկոսով եւ կազմեր է շուրջ 198 մլրդ դրամ (ներառուած են բացառապէս բարձր տեխնոլոգիական արդիւնաբերութեան ընկերութիւնները եւ ներառուած չեն կապի օպերատորները)»,-ըսաւ Արշակեանը:

Ոլորտի մէջ ներգրաուած աշխատակիցներու թիւն աճեր է 22 տոկոսով՝ հասնելով 18 հազար 747-ի: