Սիւնիքի եւ Գեղարքունիքի մարզերու եւս 40 գիւղեր եւ քաղաքներ կստանան սահմանամերձի կարգավիճակ: Այս մասին այսօր ԱԺ նիստի ժամանակ ըսաւ ՀՀ աշխատանքի եւ սոցիալական հարցերու նախարար Մեսրոպ Առաքելեանը՝ պատասխանելով պատգամաւորներու հարցերուն:

Անոր խօսքով՝ արդիւնքին նման բնակավայրերու ցուցակը գրեթէ կը կրկնապատկուի:  

«Բնակիչները կօգտուին սահմանամերձ գիւղերու համար բոլոր գործող արտոնութիւնները: Աջակցութեան ծրագիրի շրջանակին կը փոխհատուցուին գազի վճարներու եւ էլեկտրականութեա որոշ մասը։

Այն ընտանիքներուն, որոնք էլեկտրականութիւն ունին, սակայն գազ չունին, կը փոխհատուցեն հաւելեալ կիլովատ ժամերը, որոնք կը համապատասխանին 180 խորանարդ մետր գազի սպառմանը»,- պարզաբանեց Առաքելեանը: