ՀՀ Մարդու իրավունքներու պաշտպան Արման Թաթոյեանը ֆեյսբուքեան իր էջին տեսանիւթ հրապարակեր է ու կից գրած է.

«Ատրպէյճանական զինուած ծառայողները Սիւնիքի գիւղերու անմիջական հարեւանութեամբ կը կրակեն ինչպէս փոքր, այնպէս ալ մեծ տրամաչափի զինատեսակներէն: Այս տեսանիւթի կրակոցներն եղեր են 2 օր առաջ, օրուայ տարբեր ժամերու՝ Կապան համայնքի Ագարակ ու Եղվարդ գիւղերու միջնամասը, այն նկարեր են մեր դիրքապահները:

Նշեմ, որ այս կրակոցներու վայրէն դէպի Ագարակ գիւղ ուղիղ գիծով մոտ 1 (մէկ) կմ է:

Հայաստանի մարդու իրավունքներու պաշտպանը Կապանի գիւղերու բնակիչներէն պարբերաբար կստանայ զայրոյթի ու անհանգստութեան ահազանգեր ատրպէյճանցի զինուորականներու կողմէ պարբերաբար արձակուող կրակոցներու մասին:

Այս ամենը եւս մէկ անգամ կը հաստատէ, որ Սիւնիքի համայնքներու անմիջական հարեւանութեամբ, այդ համայնքներն իրար կապող ճանապարհներուն ատրպէյճանական զինուորական ուժեր պէտք չէ ըլլան. այդ լուրջօրէն կը վտանգէ խաղաղ բնակիչներու իրավունքները, եւ կը խաթարէ անոնց անդորն ու խաղաղ կեանքը»։