Հայաստանի մէջ փետրուարի 13-ին տեղի ունեցած երկրաշարժէն ետք արդեն իսկ գրանցուեր է աւելի քան 110 ետցնցում:

«Արմենփրես»-ի հաղորդմամբ՝ այս մասին մամուլի ասուլիսին ըսաւ ՀՀ ԱԻՆ սեյսմիկ պաշտպանութեան տարածքային ծառայութեան ՊՈԱԿ-ի տնօրենի պաշտօնակատար Սոս Մարգարեանը:

«Այս պահին կայ ետցնցումային սեյսմիկ աշխոյժութիւն, սակայն անոնք կը նուազին: Եղեր են 0,1 մագնիտուդով եւ աւելի թոյլ ցնցումներ: Ընդհանուր առմամբ, Փետրուարի 13-ին տեղի ունեցած երկրաշարժէն ետք գրանցուած ետցնցումներէն միայն 2-3-ն  զգացուեր են Երեւանի մէջ»,- նշեց Մարգարեանը:

Փետրուարի 13-ին, տեղական ժամանակով ժամը 15:29-ին (Գրինվիչի ժամանակով` ժամը 11:29-ին) ՀՀ ԱԻՆ սեյսմիկ պաշտպանութեան տարածքային ծառայութեան սեյսմոլոգիական ցանցի կողմէ գրանցուեր է Երեւան քաղաքէն 8 կմ հարաւ-արեւելք (Նուպարաշեն վարչական շրջանէն մոտ 2 կմ հիւսիս) օջախի 10 կմ խորութեամբ, 4.7 մագնիտուդով երկրաշարժ: Էպիկենտրոնային գոտիին ստորգետնեայ ցնցման ուժգնութիւնը կազմեր է 6-7 բալ: