Արեւմտեան Հայաստանի Կեսարիա նահանգի Եահեալը գաւառին մէջ գտնուող Ալադաղլար ազգային պարկի մէջ կը գտնուի Կապուզպաշը ջրուեժներու խումբը։ Վերէն եկող սառցադաշտերու եւ ձիւնի զանգուածներու հալոցքէն սնուող ջրուեժները հեքիաթային գեղեցկութիւն ստեղծեր են՝ տեղացած առատ ձիւնի պատճառով։

Կապուզպաշը ջրուեժները կը գտնուին Կեսարիա քաղաքի կենտրոնէն 190 կիլոմետր հեռաւորութեան վրայ եւ բաղկացած են 7 ջրուեժէ՝ 500 քառակուսի մետր տարածքին մէջ, նոյնիսկ ձմեռը իրենց հիւրերուն կառաջարկեն տեսողական խրախճանք:

Ջրուեժները կը գրաւեն տարբեր վայրերէն եկած բնութեան սիրահարներու ուշադրութիւնը: Ձմեռ թէ ամառ, Արեւմտեան Հայաստանի բնական այլ գեղեցկութիւններու հետ միասին, պէտք է տեսնել նաեւ այս ջրուեժները: Խորհուրդ կուտանք հնարաւորութիւն ունենալու պարագային անպայման այցելել այնտեղ։

Leave a Reply