Պատերազմի առաջին օրերէն աշխարհասփիւռ հայութեան ջանքերով եւ «Հայաստան» համահայկական հիմնադրամի օժանդակութեամբ Հայաստան կը հասնի մեծածաւալ մարդասիրական օգնութիւն։

Առ այսօր Հայաստան  հասեր է շուրջ 184345 կգ (աւելի քան 184 տոննա) մարդասիրական տարաբնոյթ օգնութիւն: Այս մասին յայտնած է «Հայաստան» համահայկական հիմնադրամը։

Հասած են բժշկական ժամանակակից սարքաւորումներ, առաջին բուժօգնութեան վիրակապեր, վերքերու մշակման եւ մաշկի վերականգնման բուժական միջոցներ, ձմեռային տաք արտահագուստ եւ կոշիկներ, քնապարկներ, վրաններ, մահճակալներ, սնունդ, նուերներու փաթեթներ արցախցի դպրոցականներու համար եւ այլն:

Պատերազմի աւարտէն ետք եւս Համահայկական Հիմնադրանի ջանքերով ՀՀ  հասեր է եւ բաժնուեր է 33389 կգ հումանիտար օգնութիւն։ Այս շրջանին օգնութեան մեծ մասը ժամաներ է Լոս Անջելեսէն, ինչպէս նաեւ Ֆրանսիայէն:

Leave a Reply