ԱՄՆ Կոնգրեսի հարիւր անդամներ կոչ կուղեն Ջո Պայտենի վարչակազմին քայլեր ձեռնարկելու Արցախի գոյատեւման եւ Հայաստանի անվտանգութեան համար։

ԱՄՆ պետքարտուղարին եւ Պաշտպանութեան նախարարին հասցէագրուած նամակին մէջ ընդգծուած է Արցախի շուրջ ստեղծուած ճգնաժամի լրջութիւնը, որն առաջացեր է անցած տարի աշնանը ատրպէյճանաթուրքական ագրեսիայի հետեւանքով։ Կոնգրեսականները կառաջարկեն շտապ գործողութիւններ ԱՄՆ-ի կողմէ։

Անոնք կոչ կուղեն Պայտենի վարչակազմին օգնել Արցախի ժողովուրդին՝ իր համայնքները վերականգնելու համար, մասնակցելու Արցախի ինքնորոշման իրավունքի վրայ հիմնուած տարածաշրջանային կայուն կարգաւորման որոնումներուն, ճանաչելու Արցախի ժողովուրդի ինքնորոշման իրավունքը եւ դերը, որպէս այդ հակամարտութեան կարգաւորման օրինական բանակցային կողմ, առանցքային դեր ունենալ հայ գերիներու անհապաղ ազատ արձակումն ապահովելու գործին, աջակցելու Հայաստանի տնտեսական զարգացմանը եւ ատրպէյճանական ագրեսիայի հետեւանքով տեղահանուած հայերուն, ինչպէս նաեւ Ջո Պայտենին կոչ կուղեն ճանաչելու Հայերու դէմ կատարուած ցեղասպանութիւնը։