Մինաս Կարապետի Աւետիսեան (Հուլիսի 20, 1928, Ջաջուռ, Ախուրեանի շրջան, Հայկական ԽՍՀ, ԽՍՀՄ – Փետրուարի 23, 1975, Երևան, Հայկական ԽՍՀ, ԽՍՀՄ), հայ նշանաւոր գեղանկարիչ։ 20-րդ դարի երկրորդ կէսի հայ կերպարուեստի ամենակարկառուն ներկայացուցիչներէն մէկը։ Ծնած է 1928 թուականի Հուլիսի 20–ին, Ջաջուռի մէջ (այժմ՝ ՀՀ Շիրակի մարզի մէջ)։ Համեմատաբար ուշ սկսած է զբաղուիլ գեղանկարչութեամբ։ Պատանի հասակին տարուած  եղեր է Մարտիրոս Սարեանի արուեստով։ Առաջին անգամ կենդանկարիչի հետ ծանոթացեր է 18 տարեկանին։ Մինասի գեղարուեստական եւ էսթետական զարգացման գործին մեծ ազդեցութիւն  ունեցեր են Հայկական մանրանկարչութիւնը եւ իտալական վերածննունդի նկարչութիւնը, որուն ծանոթացեր է Լենինգրադի մէջ (այժմ` Սանկտ Պետերբուրգ) ուսանելու տարիներուն։

Մինասը ստեղծեր է հայկական գիւղաշխարհն արտացոլող կոմպոզիցիաներ, բնանկարներ, ինչպէս նաեւ դիմանկարնե, որմնանկարներ։ ։ Անդրադարձեր է նկարչութեան բոլոր ոլորտներուն՝ գեղանկարչութիւն, գրաֆիկա, որմնանկարչութիւն, բեմանկարչութիւն եւ այլն։ Յայտնի նկարներէն մաս մը կը վերաբերուին հայ ժողովուրդի անցեալին՝ հատկապէս 1915 թուականի հայկական ջարդերուն, որոնցմէ մազապուրծ  եղոր են նաեւ նկարիչի ծնողները։ Այդ ժամանակաշրջանին կը պատկանին 1965-1967 թուականներուն ստեղծուած «Ճանապարհ. ծնողներուս յիշողութիւնները», «Տեր-Զորի ճանապարհին» (1964 թ) կտաւները։ Մինասի հասուն ստեղծագործական կեանքը տեւած է 15 տարի՝ 1960–1975 թուականներուն, որու ընթացքին նկարիչը ստեղծեր է մոտ հինգ հարիւր մեծ ու փոքր կտաւ, մոտաւորապէս նոյնքան գծանկար, քսան մեծածաւալ որմնանկար, մէկ տասնեակէն աւելի բալետային ու թատերական ձեւաւորումներ։

1975 Փետրուարի 16-ին Մինասը Երեւանի մէջ ենթարկուած է ավտովթարի։ Վախճաներ է մէկ շաբաթ ետք՝ Փետրուարի 23-ին։

Leave a Reply