Ալեքսանտր Սպենդիարեանի տուն-թանգարանը կոմպոզիտորի 150-ամեակի շրջանակին կը կազմակերպէ «Երեւանեան էտյուդներ» խորագիրով լուսանկարչական մրցոյթ:

Երեւանը տարիներ շարունակ եղեր է ներշնչանքի աղբիւր շատ արուեստագետներու համար: 1925 թուականին Սպենդիարեանը երեւանեան տեսարաններով ներշնչուած գրեց իր «Երեւանեան էտյուդներ» սիմֆոնիկ ստեղծագործութիւնը եւ այն նուիրեց Երեւանի  առաջին սիմֆոնիկ նուագախմբին: 

«Արմենփրես»-ի հաղորդմամբ՝ մրցոյթի նպատակը երեւանեան տեսարանները նորովի մեկնաբանելու հնարաւորութիւնն է:

Մրցոյթին կարող է մասնակցիլ իւրաքանչիւր անձ՝ առանց տարիքային սահմանափակման: Լուսանկարները պէտք է ըլլան Երեւանի մէջ` վերջին 5 տարուայ ընթացքին: 

Լուսանկարները կարող են լինել Ճարտարապետական կոթողներ ներկայացնող /Architectural photography/ կամ փողոցային պատկերներ /Street photography /:

Քուեարկութեան արդիւնքին ժիւրիի կողմէ ընտրուած լուսանկարները կը մասնակցին ցուցահանդէսին, 3 լուսանկար կարժանանան մրցանակներու:

Լուսանկարներն անհրաժեշտ է ուղարկել a.spendiaryan150@gmail.com էլեկտրոնային հասցէին՝ նամակի վերնագիրը նշելով՝ «Երեւանեան էտյուդներ»:

Լուսանկարները պէտք է ուղարկել  Փետրուարի 15-էն մինչեւ Ապրիլի 1-ը։