Ախալքալաքի զարգացման խումբը (LAG), «Ախալքալաքի  մէջ երիտասարդական կրթական եւ թուային կենտրոններու ստեղծում» ծրագիրով, «Խելացի գիւղեր» նախաձեռնութեան շրջանակներուն , Ջաւախքի Ախալքալաքի մունիցիպալիտետի Խավեթ եւ Գոգաշեն գիւղերուն մէջ հիմներ է երիտասարդական կրթական կենտրոններ (ՀԱԲ) կը յայտնէ JNEWS.ge կայքը:

Ախալքալաքի զարգացման խումբն (LAG) այս ծրագիրի համար ընտրեր է Խավեթ եւ Գոգաշեն գիւղերը, քանի որ անոնք կը գտնուին Ախալքալաքէն շատ հեռու:

«Քանի որ այս գիւղերը շատ հեռու են Ախալքալաքէն, մենք որոշեցինք այնտեղ ստեղծել հարմարութիւններ, որպէսզի երիտասարդները, մեծահասակները, ուսուցիչները, ֆերմերները կարողանան առցանց անցկացնել դասընթաց-թրեյնինկներ: Մենք ձեռք բերած ենք կոյք, որպէսզի երիտասարդական կենտրոնը լիարժեք աշխատի », – ըսաւ ծրագիրի ղեկավար Սերգեյ Խաչատուրեանը:

Գիւղերու դպրոցներուն մէջ ստեղծուեր են նորարարական ուսումնակրթական կենտրոններ: Իւրաքանչիւր գիւղ ստացեր է 4 համակարգիչ, մեծ հեռուստացոյց, սեղաններ, աթոռներ եւ այլ կոյքեր: Թրեյնինկներն անցկացուեր են  երկու լեզուներով` հայերէն եւ վրացերէն: Անցկացուեր են նաեւ վրացերէնի եւ անգլերէնի դասեր: