Beaufort Sea. August 2009

Ուաշինգտոնի համալսարանի, Լոս Ալամոսի ազգային լաբորատորիայի եւ ովկիանոսային ու մթնոլորտային հետազոտութիւններու ազգային վարչութեան (NOAA) գիտնականները յայտնաբերեր են, որ Հիւսիսային սառուցեալ ովկիանոսի քաղցրահամ ջուրի պարունակութիւնը վերջին երկու տասնամեակին 40 տոկոսով մեծցեր է: Ատլանտեան ովկիանոս քաղցրահամ ջուրի թափանցելը կարող է աղետալի ազդեցութիւն ունենայ ընդհանուր կլիմայի վրայ, կը յայտնէ Nature Communications-ը:

Գիտնականներու խօսքով՝ քաղցրահամ ջուրի կուտակումը տեղի  կունենայ արկտիկական սառոյցներու հալուելու հետեւանքով: Ներկայիս քաղցրահամ ջուրը կը գտնուի աղի ջուրի վրայ եւ մակերեւոյթին կը պահպանուի  Բոֆորտի ծովին քամիներու շնորհիւ՝ ստեղծելով ջրային գմբեթի նման ինչ-որ բան: Եթէ քամիները թեթեւանան, ապա քաղցրահամ ջուրը կը թափանցէ հիւսիսային Ատլանտիկա՝ ներառեալ Լաբրադորի ծով: Այս, իր հերթին, կազդէ Ատլանտեան ովկիանոսին ովկիանոսային մեծ հոսանքներու վրայ, ինչպէս նաեւ սառը եւ տաք ջուրերու շրջապտոյտի վրայ:

Ներկայիս Բոֆորտի ծովին քաղցրահամ ջուրի ծաւալը 2 անգամ աւելի շատ է, քան անցեալ անգամ, կը կազմէ 23 հազար խորանարդ կիլոմետր: Չնայած Ատլանտիկայի վրայ այսպիսի քաղցրահամաջրային «ռումբի» ստոյգ ազդեցութիւնը անհնար է կանխատեսել, գիտնականները կը կարծեն, որ այդ լուրջ ազդեցութիւն կունենայ ամբողջ Հիւսիսային կիսագունդի կլիմայի վրայ: