Արցախի ներքին գործերու նախարարութեան արտակարգ իրավիճակներու պետական ծառայութեան փրկարարական 4 խումբ Մարտի 2-ին վերսկսեր է զոհուած զինծառայողներու աճիւններու եւ անհետ կորած զինծառայողներու որոնողական աշխատանքները: Այս մասին «Արմենփրես»-ին տեղեկացուց Արցախի ՆԳՆ տեղեկատուութեան եւ հասարակայնութեան հետ կապերու բաժինի պետ՝ Հունան Թադեւոսեանը՝ մանրամասնելով, որ որոնողական աշխատանքները վերսկսեր են Հադրութի շրջանին, Վարանտայի (Ֆիզուլի) եւ  Ջրականի (Ջաբրայիլ) ուղղութիւններով:

Մինչեւ այս՝ որոնումները դադարած էին Փետրուարի 15-էն՝ ատրպէյջանական կողմի պահանջով:

Զինադադարէն ետք՝ 2020 թուականի Նոյեմբերի 13-էն առ այսօր որոնումներու արդիւնքին յայտնաբերուած է 1485 զոհուած զինծառայողի (ռազմագործողութիւններու մասնակից) եւ քաղաքացիական անձերու աճիւններ: