Ֆրանսիայի նախագահ Էմանուել Մակրոնը երեքշաբթի երեկոյեան տեսակոնֆերանսի ձեւաչափով բանակցութիւններ կը վարէ Թուրքիայի նախագահ Ռեջեփ Թայիփ Էրդողանի հետ:

Նշուած է, որ այդ  կէս տարուայ ընթացքին երկու առաջնորդներու միջեւ առաջին բանակցութիւնն է: Հեռակոնֆերանսի մեկնարկը նախատեսուած է տեղական ժամով ժամը 18:00-ին, թէ ինչքան տեւողութեամբ՝ յայտնի չէ:

ԶԼՄ-ներուն յայտնի չէ նաեւ՝ բանակցութիւններու ընթացքին ինչ թեմաներ պիտի քննարկուին, սակայն ինչպէս յայտնի է, երկու առաջնորդները բազմաթիւ տարաձայնութիւններ ունին եւ հաճախ իրար հասցէի հրապարակային քննադատութեամբ հանդէս կուգան։

2020 թուականի աշնան եւ ձմռան սկիզբը Մակրոնը յայտարարած էր, որ Փարիզը տեղեկութիւններ ունի այն մասին, որ Անկարան Սուրիայէն գրոհայիններ կը բերէ Արցախի պատերազմին մասնակցելու համար: Ան նաեւ սպառնացեր էր պատժամիջոցներ կիրառելու Թուրքիայի դէմ, եթէ ան չի հրաժարուի Յունաստանի եւ Կիպրոսի նկատմամբ միակողմանի գործողութիւններէն: