Freedom House կազմակերպութիւնը հրապարակած է 2021 թուականի «Ազատութիւնն աշխարհին» զեկոյցը, Հայաստանն ունի 100-էն 55 միաւոր եւ դասուած է մասնակի ազատ երկիրներու շարքին (նախորդ տարի Հայաստանն ուներ 53 միաւոր): Ինչպէս կը փոխանցէ «Արմենփրես»-ը, զեկոյցին մէջ նշուածէ, որ Ատրպէյջանը պատերազմ սկսաւ Արցախի մէջ՝ ներքաշելով ավտորիտար Թուրքիային, նուազեցնելով Հայաստանի մէջ բարեփոխումներու հնարաւորութիւնները եւ ուժի կիրառման միջոցով նպաստելով ժողովրդավարական նորմերու հետընթացին:

Ըստ զեկոյցի հեղինակներու՝ Արցախեան պատերազմն ամրապնդեց Իլհամ Ալիեւի ավտորիտար իշխանութիւնը, այդ հակամարտութիւնը, սակայն, կսպառնայ ապակայունացնել Հայաստանի կառավարութեան դիրքերը: «Հայաստանն ազատութեան մէջ յաջողութիւններ գրանցեր  է այն պահէն ի վեր, երբ 2018 թուականին բռնկուեցաւ հակակառավարական զանգուածային բողոքի ակցիաները, եւ քաղաքացիները քուեարկեցին աւելի բարեփոխիչ կառավարութեան օգտին»,- նշուած է հոդուածին մէջ:  

2018 թուականէն ի վեր  Հայաստանը ժողովրդավար կը համարուէր ավտորիտար տարածաշրջանին մէջ: