ԱՄՆ Ներկայացուցիչներու պալատի աւելի քան 170 անդամներ նախագահ  Պայտենի վարչակազմին կոչ ուղած են մարդու իրավունքներու ոտնահարման մասին բազմաթիւ հաղորդագրութիւններիու ֆոնին վերանայել Թուրքիայի նկատմամբ իր դիրքորոշումը: 

«Արմենփրես» -ի հաղորդմամբ ` Ներկայացուցիչներու պալատի անդամները նամակ ուղարկած են Պայտենի վարչակազմին: 

«Քանի որ Պայտենի վարչակազմը կը ձեւաւոր է իր արտաքին քաղաքականութիւնը Թուրքիայի նկատմամբ, մենք կը խնդրենք ձեզմէ ուշադրութիւն դարձնել մարդու իրավունքներու տագնապալի խախտումներուն, որոնք տեղի ունեցեր են նախագահ Ռեջեփ Թայիփ Էրդողանի օրերուն: Նախագահ Էրդողանը եւ անոր կուսակցութիւնը օգտագործեր են իրենց իշխանութեան շուրջ 20 տարիները `թոյլացնելու Թուրքիայի դատական ​​համակարգը, ճնշելու ազատ խօսքն ու ազատ մամուլը եւ ապօրինի բանտարկելու քաղաքական հակառակորդներուն, լրագրողներուն եւ ազգային փոքրամասնութիւններու ներկայացուցիչներուն: », – կ՛ըսուի նամակին մէջ:

 Ներկայացուցիչներու պալատի անդամները նշած են, որ 2016 թուականէն ի վեր Թուրքիայի աւելի քան 80,000 քաղաքացի բանտարկուեր է կամ կալանաւորուեր է, իսկ աւելի քան 1500 հասարակական կազմակերպութիւններու գործունէութիւն դադարեցուած է: