«Եռաբլուր» զինուորական պանթէոնին մէջ կը ստեղծուի Արցախեան ազատամարտի ժամանակ զոհվուածներու եւ անյայտ կորածներու յուշահամալիր: «Արմենփրես»-ի փոխանցմամբ՝ ՀՀ վարչապետ Նիկոլ Փաշինեանի որոշմամբ հաստատուեր է յուշահամալիրի ստեղծման աշխատանքներու համակարգման աշխատանքային խումբի անհատական կազմը:

Աշխատանքային խումբը կը ղեկավարէ ՀՀ վարչապետի աշխատակազմի ղեկավար Արսեն Թորոսեանը, խումբի կազմին մաս կը կազմեն Ազգային ժողովի պատգամաւոր Արման Բաբաջանեանը, Արտաքին գործերու նախարարի տեղակալ Ավետ Ադոնցը, ԿԳՄՍ նախարարի տեղակալ Արա Խզմալեանը, Երեւանի քաղաքապետի տեղակալ Գայանէ Մելքոմեանը եւ այլ բարձրաստիճան անձեր: