Պեռլինի միջազգային կինոփառատօնի «Ֆորում» ծրագիրին մէջ ներառուեր է 2021թ․-ի արտադրութեան «Սեւ Բախ Արցախ» ֆիլմը, ինչը համացանցի մէջ  արժանացեր է բացասական արձագանքի ատրպէյջանցի օգտատերերու կողմէ։ 

Ատրպէյջանցի օգտատերերը զայրոյթով արձագանքեր են ֆիլմի վերնագիրին եւ կողմնակալ են համարել Պեռլինալէի կայքին  հրապարակուած նախնական սցենարը։

Ֆիլմը կը պատմէ հայ-ատրպէյջանական հակամարտութեան մասին եւ հիմնուած է Արցախի բնակիչներու հարցազրոյցներու վրայ, որոնք նկարահանուեր են դեռեւս 2007թ․-ին՝ երկու պատերազմներու միջեւ։ Ֆիլմի ռեժիսորներն են Այրին Անաստասը եւ Ռենէ Գաբրին։

Բախի կանտատներու ռիթմը կրկնող 13 ակտի բաժնուած ֆիլմին մէջ բնապատկերները միահիւսուած են կադրէն դուրս ձայնի հետ, որն կարտացոլէ պատերազմի, ինքնութեան եւ պատկանէլիութեան բնոյթը։

Պեռլինալէի կայքին մէջ ֆիլմի նկարագրութիւնը թուրքերու եւ ատրպէյջանցիներու կատաղի արձագանք առաջացուցեր է․ անոնք այն կանուանեն «քարոզչական ֆիլմ»՝ «միակողմանի պատմութեամբ»։

Փառատօնը մերժեր է ֆիլմը ծրագիրէն հանելու կոչերը։ Վիրտուալ ցուցադրութիւնէն ետք արդեն ամառը Պեռլինի մէջ ֆիլմը կը ցուցադրուի օֆլայն ձեւաչափով: