Ինչպէս «Արմենփրես»-ին տեղեկացուցին Վարչապետի աշխատակազմի տեղեկատուութեան եւ հասարակայնութեան հետ կապերու վարչութիւնէն, Նիկոլ Փաշինեանը խօսելով երկկողմ հարաբերութիւններու մասին՝ բարձր գնահատեր է ԱՄՆ կողմէ Հայաստանին տրամադրուող մշտական աջակցութիւնը եւ ԵԱՀԿ Մինսքի խումբի ԱՄՆ ունեցած դերակատարումը: Կողմերն անդրադարձեր են պատերազմէն ետք տարածաշրջանին մէջ տիրող իրավիճակին:

Ընդգծուեր է ԵԱՀԿ Մինսքի խումբի համանախագահութեան շրջանակին խաղաղ գործընթացի վերսկսման անհրաժեշտութիւնը: Զրուցակիցի ուշադրութիւնը հատկապէս Ադրպէյջանի կողմէ գերիներու, պատանդներու եւ այլ պահուող անձերու անհապաղ վերադարձի անհրաժեշտութեան վրայ էր:

Պետքարտուղարն ընդգծեր է Հայաստանի հետ գործընկերային հարաբերութիւններու զարգացման կարեւորութիւնը: Ան բարձր գնահատեր է ժողովրդավարութեան ասպարեզին Հայաստանի արձանագրած ձեռքբերումները եւ վստահեցուցեր է, որ ԱՄՆ կը շարունակէ բարեփոխումներու համար Հայաստանին տրամադրուող օժանդակութիւնը: