Կիլիկիայի Մերսին նահանգին մէջ Մշակոյթի եւ զբոսաշրջութեան նախարարութեան թոյլտուութեամբ կիրականացուի «Կենտրոնական Տավրոս լեռնաշղթայի նախապատմութիւնը» անուանումով նախագիծը: Ծրագիրի շրջանակներուն համալսարաններու գիտնականները հնարաւորութիւն ունին աշխատելու այդ շրջանին մէջ:

Ուսումնասիրութիւններու ընթացքին Էրդեմլի գաւառի Ալաթա հովիտի ժայռի լանջին գտնուող քարանձաւին մէջ յայտնաբերուեր է շուրջ 15 ժայռապատկեր, որոնք ենթադրաբար ունին 8 հազար տարուայ վաղեմութիւն։ Ժայռապատկերները հիմնականը կը ներկայացնեն մարդկային, կենդանիներու եւ աշխարհագրական տարբեր պատկերներ,  եւ մեծ ոգեւորութիւն առաջացուցեր են գիտնականներու շրջանին:

Ուշադրութիւն դարձնելով գտածոներու կարեւորութեան վրայ` գիտնականները շեշտեր են, որ անոնք նման են Լաթմոս լեռներու ժայռապատկերներուն:

Յայտնաբերուած նկարները կարող են լոյս սփռել պատմական Կիլիկիայի մէջ գտնուող Մերսինի անյայտ նախապատմական շրջանի վրայ: