«Armenoid productions»-ը յայտարարեր է, որ իր 2016 թուականի բազմամրցանակակիր «1915-ի կանայք» լիամետրաժ վավերագրական կինոնկարը Amazon Video-ի մէջ թողարկուեր է Մարտի 8-ին` Կանանց միջազգային օրուայ առիթով:

Այս մասին, Panorama.am-ի փոխանցմամբ, գրած է Զարթոնք Մետիան։

Նշուած է, որ վավերագրական ֆիլմը կը բացայայտէ, որ կանայք զգացեր են ամենասարսափելի խոշտանգումները հայերու դէմ ցեղասպանութեան ժամանակ: Ֆիլմին մէջ նկարագրուած են կանանց պատմութիւնները։

«Մեր կինոնկարին մէջ նկարագրուած կանանցմէ մէկը Վիկտորիա Արթինեանն է, որը 1922 թ. փրկուելով Հայերու դէմ  ցեղասպանութիւնէն եւ Զմիւռնիայի մեծ կրակէն, գաղթեր է Միացեալ Նահանգներ: Իր հայրենիքին մէջ մահուան եւ աւերածութիւններու «մոխիրէն» անոր յաջողուեցաւ յաղթահարել այս անհնարին տրավմատիկ իրադարձութիւնները: Ան նաեւ օգնեց դաստիարակել իր դստեր որդեգրած որդին՝ Սթիվ Ջոպսին, որը բառացիօրէն փոխեց աշխարհը», – ըսեր է Էմմիի քառակի մրցանակակիր վավերագրող ռեժիսոր Բարեդ Մարոնեանը:

Բացի այդ, «1915-ի կանայք» ֆիլմին մէջ համատեղ են փաստերն ու հոյզերը` պատուելու ամերիկացի եւ եւրոպացի քաջ կանանց, այդ թիւին` Տիանա Աբգարին եւ դանիացի միսիոներ Մարիա Յակոբսենին: