Western Armenia TV-ի եթերով Երեւանի պատմութեան թանգարանի հնագոյն եւ միջնադարեան պատմութեան բաժինի վարիչ Անժելա Տերեանը ներկայացուց Երեւանի պատմութիւնը միջնադարեան ժամանակաշրջանին եւ <<Երեւան>> անուան ծագումը, երեւանցիներուն բնորոշ մշակութային աւանդոյթները, ծիսակարգերը, վաղ միջնադարեան Երեւանեան ճարտարապետութիւնը եւ այլն։ Անդրադարձաւ  տարբեր ժամանակներու կատարուած պեղումներուն եւ այն գտածոներուն, որոնք յայտնաբերուեր են Երեւանի տարբեր շրջաններուն։ Ցուցադրեց թանգարանին մէջ պահուող այն հնագիտական իրերը, որոնք կը փաստեն,  թէ Երեւանը աշխարհի հնագոյն քաղաքներէն մէկն է։