Արցախի մէջ վերսկսեր են զոհուած զինծառայողներու աճիւններու եւ անհետ կորածներու որոնողական աշխատանքները:

«Արմենփրես»-ի հաղորդմամբ՝ այս մասին յայտնած է ԱՀ ներքին գործերու նախարարութեան ԱԻ պետական ծառայութիւնէն:

«Որոնողական աշխատանքները Մարտի 10-ին կը շարունակուին Մարտունիի (Ատրպէյջանի վերահսկողութեան տակ անցած հարաւ-արեւելեան սահմանային գոտի) եւ Վարանտայի շրջաններուն մէջ»,- նշած են ԱԻՊԾ-էն:

Զինադադարէն ետք որոնողական աշխատանքներու ընթացքին յայտնաբերուած աճիւններու ընդհանուր թիւը 1490 է, որոնցմէ 15-ը նախնական տուեալներով քաղաքացիական անձեր են, միւսները՝ ռազմական գործողութիւններու մասնակիցներ:

Արցախի մէջ եղանակային անբարենպաստ պայմաններու, տեղացած առատ ձիւնի պատճառով Մարտի 8-ին եւ 9-ին ժամանակաւորապէս դադարեցուած էին զոհուած զինծառայողներու աճիւններու եւ անհետ կորածներու որոնողական աշխատանքները: