Ռուսաստանի եւ Թուրքիայի նախագահներ Վլատիմիր Բութինը եւ Ռեջեփ Էրդողանը հեռուստակամուրջի միջոցով այսօր մասնակցեցան «Ակկույու» ատոմակայանի երրորդ Պլոկի շինարարութեան մեկնարկի արարողութեանը։

«Ակկույու»-ն ատոմակայան է, որը «Ռոսատոմ»-ը կառուցած է Կիլիկիայի Մերսին նահանգին մէջ՝ Միջերկրական ծովի ափին։ Ատոմակայանը պէտք է ունենայ չորս էներգապլոկ։ Այն պէտք է դառնայ առաջին ատոմակայանը։ Այս գրեթէ ամբողջովին ռուսական նախագիծ է։

Երեկ երեկոյեան պաշտօնական Մոսկուան յայտարարեց, որ բաւարարուած է Թուրքիայի մէջ Ռուսաստանի դեսպան Անտրեյ Կարլովի սպանութեան գործով դատավճիռ կայացնելու փաստով։

Անկարայի առանձնապէս ծանր հանցագործութիւններու գործերով դատարանը երեկ դեսպան Կարլովի սպանութեան գործով հինգ մեղադրեալներուն դատապարտեր է ցմահ ազատազրկման։Հաւելենք՝ այսօր Տոհայի մէջ կը հանդիպին Ռուսաստանի եւ Թուրքիայի արտգործնախարարները։ Հանդիպման օրակարգէն առայժմ մանրամասներ չկան։ Կարելի է, սակայն, ակնկալել, որ կողմները կանդրադառնան նաեւ Արցախեան հարցին եւ Նոյեմբերի լոյս 10-ի գիշերը ստորագրուած եռակողմ համաձայնագիրի հետ կապուած հարցերուն։