Վերսկսեր է Քաշաթաղի շրջանի Աղաւնոյի Գարեգին Նժդեհի անուան դպրոցի շէնքի վերանորոգումը, որտեղ կը կառուցեն նաեւ մանկապարտեզ: Այս մասին «Արմենփրես»-ի հետ զրոյցի ժամանակ տեղեկացուց Աղաւնոյի դպրոցի տնօրեն Պողոս Աղաբեկեանը:

«Աղաւնոյի դպրոցական կիսակառոյց շէնքի վերանորոգումը պատերազմի հետեւանքով կիսատ մնացած էր: Մոտ մէկ շաբաթ է,  արտասահմանեան հայ բարերարներու միջոցներով վերսկսեր են վերանորոգման աշխատանքները: Դպրոցի շէնքին մէջ, բացի սանհանգոյցներէն եւ վերանորոգման ենթակայ այլ հատուածներէն, կը կառուցուի նաեւ 30 երեխայի  համար նախատեսուած մանկապարտեզ: Բնակչութիւնը կը շարունակէ վերադառնալ: Այժմ գիւղին մէջ ունինք 17 նախադպրոցական տարիքի երեխայ, իսկ դպրոց կը հաճախեն 34 աշակերտ: Անենցմէ 11-ին, Աղաւնոյի գիւղապետ Անդրանիկ Չավուշեանն անձամբ ինքնաշարժով  ամեն օր Բերձորէն կը տեղափոխէ մեր դպրոց: Վերադարձեր է նաեւ մեր ուսուցիչներու 90 տոկոսը»,-տեղեկացուց Պողոսեանը:

Անդրադառնալով անվտանգութեան ապահովման խնդիրին՝ Աղաւնոյի դպրոցի տնօրենը նախ նշեց, որ միայն շենացնելով  կարող են գիւղը հայկական պահել: Անվտանգութեան խնդիրը կը շարունակեն լուծել ինքնակազմակերպմամբ: