Պոստոնի քաղաքապետ Մարտին Ուոլշը ներողութիւն խնդրած է հայերէն` աւելի վաղ Խոջալուի դէպքերու առնչութեամբ ատրպէյջանական կեղծիքին սատարող յայտարարութիւն տարածելու համար։ Ան նաեւ պաշտօնապէս չեղարկեր է իր հռչակագիրը։ Այս մասին կը յայտնէ 1lurer.am-ը։

«Ցաւօք, հռչակագիրն ընդունուեր էր՝ առանց ընթացակարգին բնորոշ ուսումնասիրութեան։ ԱՄՆ-ի հայ համայնքի ղեկավարներու հետ զրոյցէն հասկցանք, որ այն ցաւօտ էր շատերու համար։ Եւ ես վճռեցի չեղարկել այն»,- յայտարարած է Ուոլշը։ Քաղաքապետը նաեւ դրուատանքի խօսքեր  ըսեր է հայերու մասին՝ շեշտելով մեր հայրենակիցներու մեծ ներդրումը Պոստոնի զարգացման գործին: Ան շեշտեր է Հայկական ժառանգութեան պուրակի մասին, որը համայնքը հիմներ է քաղաքի կենտրոնը։ Ուոլշը նաեւ յիշեր է, որ 2015 թ. մասնակցեր էր Հայերու դէմ կատարուած  ցեղասպանութեան յիշատակի 100-րդ տարելիցի միջոցառումներուն եւ ընդգծեր է, որ մեծ կարեւորութիւն կուտայ հայ համայնքի եւ Հայաստանի հետ հարաբերութիւններուն։