Մարտի 11-ին Արաբական Միացեալ Էմիրութիւններու մէջ աշխատանքային այցով գտնուող ՀՀ ԱԳ նախարար Արա Այուազեանը հանդիպեցաւ ԱՄԷ արտաքին գործերու եւ միջազգային համագործակցութեան նախարար Ապտալլահ պն Զայետ Ալ Նահեանի հետ: Նախարար Այուազեանը վերահաստատեց Հայաստանի մտադրութիւնը՝ աւելի խորացնելու հարաբերութիւնները Արաբական Միացեալ Էմիրութիւններու հետ՝ որպէս կապող օղակ ՀՀ եւ Ծոցի արաբական երկիրներու միջեւ բազմաբնոյթ համագործակցութեան համար: Նախարարներ Այուազեանը եւ Ալ Նահեանը հանգամանալից անդրադարձան երկկողմ օրակարգի հարցերու լայն շրջանակի: Կարեւորեցին քաղաքական երկխօսութեան դինամիկայի պահպանումը, այդ թիւին՝ խորհրդակցութիւններու անցկացման միջոցով:

Որպէս առեւտրատնտեսական համագործակցութեան հեռանկարային ուղղութիւններ՝ առանձնացուցին տեղեկատուական տեխնոլոգիաներու, գիւղատնտեսութեան, պարենային անվտանգութեան, վերականգնուող էներգիայի, զբոսաշրջութեան ոլորտները: 

ԱԳ նախարարները կարեւորեցին ԱՄԷ հայ համայնքի կամուրջող դէրակատարութիւնը փոխվստահութեան վրայ խարսխուած հայ-էմիրաթական հարաբերութիւններու ամրապնդելու եւ խորացնելու գործին:

Հանդիպման օրակարգին առանցքային տեղ կը զբաղեցնէին տարածաշրջանային անվտանգութեան եւ կայունութեան հարցերը: