Ռուսաստանի ՊՆ նախարարութեան նիւթատեխնիկական ապահովման մասնագետներն Արցախի մէջ կառուցեր են 9-րդ պլոկ-մոտուլային աւանը․ այն կը գտնուի Ասկերանի մէջ եւ նախատեսուած է 60 ռուս խաղաղապահներու համար:

Այս մասին հաղորդած է ՌԴ ՊՆ-ն։

Ինչպէս նշած է գերատեսչութիւնը, պլոկ-մոտուլային աւանները կառուցուած են ռուսական խաղաղապահ զորախումբի ռազմական անձնակազմի տեղակայման պայմանները բարելաւելու նպատակով։

Պլոկ-մոտուլային աւանները հագեցած են անհրաժեշտ բոլոր պայմաններով: 

2020 թուականի Դեկտեմբերին Ռուսաստանի Դաշնութեան ՊՆ կոլեգիայի ընդլայնուած նիստ ժամանակ գերատեսչութեան ղեկավար Սերգեյ Շոյգուն յայտարարած էր, որ մինչեւ 2021 թուականի Ապրիլը Արցախի մէջ ռուս խաղաղապահներու համար 32 ժամանակակից մոտուլային ռազմական աւաններ կը կառուցուին: Արդիւնքին, խաղաղապահ զորակազմի համար կը ստեղծուին ծառայութեան եւ կենցաղի հարմարաւետ պայմաններ: