Արցախը կունենայ աւելի մոպիլ, աւելի մարտունակ զինուած ուժեր: Ինչպէս կը տեղեկացնէ «Արմենփրես»-ը, Արցախի հանրային հեռուստատեսութեան հետ հարցազրոյցի ժամանակ այս մասին  ըսած է Արցախի անվտանգութեան խորհուրդի քարտուղար Վիտալի Պալասանեանը:

«Որեւէ մէկի միտքով թող չանցնի, որ Արցախը չի ունենար Զինուած ուժեր:  Արցախը երբեք չենք թողնելու որեւէ մէկին , Արցախը պիտի ըլլայ որպէս սուպյեկտ, որպէս հայկական»,- նշած է Պալասանեանը:

Արցախի անվտանգութեան խորհուրդի քարտուղարը նաեւ անդրադարձեր է Հայաստանի մէջ ներքաղաքական իրավիճակի հետ կապուած խնդիրներուն: Պալասանեանը նշած է, որ բոլոր հարցերը պէտք է լուծուին քաղաքակիրթ ճանապարհով, եւ Արցախը կ՛օգնէ Հայաստանին այդ հարցով: