Այս մասին յայտարարեց ՀՀ արտաքին գործերու նախարար Արա Այուազեանը ԵԱՀԿ գործող նախագահ, Շուետիայի ԱԳ նախարար Անն Լինդէի հետ մամուլի ասուլիսի ժամանակ․

«Հայաստանը եւ հայ ժողովուրդը մշտապէս եւ անկեղծօրէն հանդէս  եկած են խաղաղութեան ուղերձով։ Ըլլալով 20-րդ դարի առաջին ցեղասպանութիւնը վերապրած ժողովուրդ՝ մենք գիտենք խաղաղութեան եւ անվտանգութեան արժէքը։ Հայաստանը Արցախեան հակամարտութեան բոլոր փուլերուն հանդէս եկած է խնդիրի բացառապէս խաղաղ կարգաւորման օգտին։ Այսօր նոյնպէս մենք ամբողջովին կը գիտակցինք այն հնարաւորութիւնները, որ խաղաղութիւնը եւ իրական հաշտեցումը կարող են բերել մեր տարածաշրջանին, սակայն խաղաղութիւնը լոկ գեղեցիկ բառ չէ:

Արցախի խաղաղ բնակավայրերու, այդ թիւին` Հադրութի շրջանի աւիրման, հայ բնակչութեան ոչնչացման եւ անոնց փոխարէն ատրպէյջանական բնակավայրերու ստեղծման հիման վրայ կառուցուած խաղաղութիւնը չի կարող ըլլալ հաստատուն եւ տեւական։ Մենք պիտի  շարունակենք մեր պայքարն արդար եւ արժանապատիւ խաղաղութեան համար՝ սերտօրէն համագործակցելով մեր միջազգային գործընկերներու հետ»,- ընդգծեց ՀՀ ԱԳ նախարարը: